لملح اتعاص شتا على بابها
فى حضانة الشتا
واسكندرية بقها طافح براندى
فتحت صدرى وغفيت
ُسقعية كلبشت صدرى
شفت الشتا على أول الشارع داريت وشى
خبيت الخضة بقميص كاروهات
خفت يستفرد بكسوفى
على ورق البفرة المبلول
كنت كاتب نمرتك
دلوقت شخبطت شمس تنشف شارع فؤاد
عشان اصبح ع الوجع
وافتكر اول فضيحة
استخبيت من قباحتى
وهرشت البكا
ايوووه ... اسكندرية مش ببلاش
عضتها والبحر
وانتم هلاضيم
سايبينى اعيط فى بيت كفافيس قدام السفرجية
وبالات القطن فى القبارى
صالة المزاد فى العطارين
بيتها
الصندرة المقفولة ع الدخان
ازاى حاصدق كل ده لوحدى! ؟
غربال 1995
No comments:
Post a Comment