الصلاة خير من النوم

قنبلة بفروة ناعمة
بتتدحرج قدام عنيك slow motion

ممكن تنورلك طريقك وانت نازل تصلى الفجر
وصوت انفجارها ح يسيح ف الآذانات
اللى بتطلقها خمس ميكروفونات hi fi تحية لنزولك
ويغطرش على وسوسة الشياطين الكاجوال اللى بيترقّـصوا حواليك
وتفرتك البنات اللى ح ياكلوك بعنيهم ف عرض ستربتيز مستمر طول السكة
وانت راجع .... ما تستغربش إن عدد الجزم قدام باب الجامع أكتر من عدد المصلين اللى نالوا الشهادة

وما شافوش حاجة م اللى انت شوفتها .

اسكندرية يونيو 2004