Saturday, August 25, 2007

ميكروباص

ما تزعلش منى
لو ألّست عليك وانت بتعيط وخايف
أو هزّأتك وانت بتضحك وناسى
كل اللى كان قصدى إنك تاخد بالك منى شوية
لإنك ح تنزل قبل منى
وتسبنى لوحدى وقت طويل
ألم الأجرة ، وافتح الباب وأقـفله ،
واطمّن الركاب اللى نزلوا ،
واطبطب ع الكراسى الفاضية ،
واوشوش الشبابيك اللى بتبربش م الرجفة ،
واوصى السواق اللى بيفكر ح ينبهك ازاى
قبل اللجنة اللى جاية .

يونيو 2004 اسكندرية

No comments: