مرجيحة فاضية بتتطوّح
لعبة مرمية ع الارض
ألبوم صور بيفرّه الهوا
والشتا واقف ع الباب
تراب خطوتين ع السلم
ودمعة ع ازاز الشباك
ـ أنا جيت . .. محدّش رد
مفيش جوابات ع الكومودينو
مفيش دم ع السكاكين
ولا رصاصة ف المراية
ولا الستاير محروقة
والحصان ف اسطبله بيحضّر خطة هروب
ريحة شياط . . لأ . . ده قلبى
ـ حدّ يردّ علية , حد يخطفنى ف حضنه , وينفّض التلج اللى ف صدرى
ويكوينى بفنجان شاى , ويقعّدنى قدام الدفاية اعيّط واحكى
واسيب مسدسى نايم م التعب والبرد
مفيش حدّ !
بصيت م الشباك لمحت كاوبوى تانى جىّ
بيسأل على نفس العنوان
فبراير 2000 القاهرة
No comments:
Post a Comment